Manu's Logbuch

Hie no 2 anderi müschterli vo mire nichte:

schmätterliding = schmätterling
mäsäntu = äsmäntu

Mini nichte plapperet plötzlech wi wiud. Lang het sie meh nume einzelni wörtli gseit, itz uf z mau ganzi sätz. U das ersch no mit emne 1A mikimus-schtimmli. Zum schiesse!

Letscht samschti isch si bi mir z bsuech gsi. Irgendwenn het si wöue ihri schue alege. I ha se gfragt öb si de no furt wöu. Drufabe seit si: 'Ja, i mues itz ga saffe. Immer mänti u zisti, weis!'

Dr buchnabu heisst bi ihre 'buchschnabu' u dr Spongebob 'Spotschpotz'.

Geschter het si äuä zum 1000schte mau usglärt, ihre kommentar derzue isch gsi: 'Macht nüt, gäu?' U dr unschuldig blick het si o scho hervorragend agwändet.

Überhoupt grimasse schnide u dr chaschper mache: das fingt si super.

I bi richtig verliebt i dä zwärg.

- "Aues fertig. Itz fäut numeno sone artigi schachtle für dobe".
- "Auso du oder was?"
- "Nei, sones truckli haut."
- "I chume nid drus!"
- "Eh, wome so sieche cha drus zieh."
- "Was für sieche de ömu o?"
- "So wissi dänk!"
- "Ah, ä pimperbox..."
- "Genau!"

Teigaffe Pasta
aahoue jemanden ansprechen
jufle sich beeilen, eilig
Schpöifer Spucke, Speichel
useschtüdele aufschieben, verzögern
Zämesetzi Puzzle
schpanifle spähen, gespannt auf etwas warten
Fädilätsch Laufmasche
Laggaff eingebildeter Mann
Taupe Tatze, Pfote
täutsche unverständlich sprechen
verseckle jemanden versetzen, überlisten, hinters licht führen

zmörgele frühstücken
Nüggu Schnuller
düppig schwül
Huuri Nachteule, Waldkautz
tschudere schaudern
Schroter Polizist
färn letztes Jahr
weissele jaulen, winseln
Bäbi Puppe
Muni (Zucht-)Stier
kable telefonieren
süferli sachte, behutsam

rangge nicht stillsitzen, zappeln
vertörle sich die zeit vertreiben
Tili zimmerdecke
kömerle einkaufen, shoppen
aagattige in die wege leiten
nächti gestern nacht
Chlepfschyt gewehr
schnouse naschen
hämpfele ein baby oder tier im arm halten und liebkosen
Oberstübli gehirn, gedächtnis
Agerschte elster
Flouse spässe, possen

verchachle verspielen, verderben
zybe gleiten, rutschen
däsele schleichen
dürestiere erzingen, seinen Kopf durchsetzen
Uflat Rauhbein, grober Mensch
munzig winzig
Hääpere Kartoffeln
chlaue stehlen
Taascheli einfältige Frau
lisme stricken
Chläbluus Kleblaus (Bezeichnung für jemanden, der einem am Rockzipfel hängt)
item wie auch immer; lassen wir das; sei es wie es will (typischerweise benutzt, um eine langwierige Diskussion zu beenden oder das Thema zu wechseln)

Giele Jungs
Meitschi Mädchen
usehöische maulen, kritisieren
bisle urinieren
gänggele (Süssigkeiten) einkaufen
löie sich ausruhen
gränne weinen
lamaasche trödeln
Täfeli Bonbon
Garette Schubkarre
wäger gewiss, sicher
chafle kritzeln, schmieren, fummeln